Rus səfirini öldürən sui-qəsdçinin məktubları
19 dekabr 2016-cı ildə Ankarada uğradığı sui-qəsd nəticəsində həyatını itirən Rusiyanın Türkiyə üzrə səfiri Andrey Karlovun ölümü ilə bağlı istintaq davam edir.
Türkiyə - Rusiya əlaqələrinə zərbə məqsədi daşıyan Karlov sui-qəsdini törədən cinayətkarın qaldığı evlərdə ələ keçirilən kompüter və cib telefonu araşdırılır. Məlum olub ki, saat 19.41-də öldürülən sui-qəsdçi - keçmiş polis məmuru Mevlüt Mert Altıntaşın e-mailləri təxminən 2 saat sonra - 21.30-da dönməz şəkildə silinib.
Ankara Respublika Prokurorluğunun üzərində dayandığı ikinci adam şübhəsi bu detalla güclənmiş olub. Prokurorluq indi Altıntaşın hesabına kimin girdiyi və e-mail məktiblarının kimin tərəfindən silindiyini tapmaq üçün istintaqı dərinləşdirib: Amerika Birləşmiş Ştatlarının e-poçt şirkətindən mesajların hamısı istənilib.
Altıntaş ilə eyni polis məktəbində oxuyan, adı FETÖ ilə əlaqəli olduğu güman edilən 4 polis də nəzarətə alınıb.
Әlaqәli Xәbәrlәr
Muğla vilayətində miqrantlar xilas edildi
Muğlanın Dalaman rayonu sahillərində 16 miqrant xilas edilib.
Türk Hava Yolları İsrailә uçuşları müvәqqәti dayandırıb
Türk Hava Yolları İsrailә bütün beynәlxalq uçuşların müvәqqәti dayandırıldığını açıqlayıb.
