“İsrail-Fələstin münaqişəsindən sonra indi də Cənubi Kiprdə hərbi canlanma yaşanır”

  Şimali Kipr Türk Respublikasının (ŞKTR) prezidenti Ersin Tatar Cənubi Kipr nəzarətində olan bölgələrə Almaniya xüsusi təyinatlı əsgərlərin gəlməsinə reaksiya verib və bunun beynəlxalq razılaşmalara zidd olduğunu bildirib: “İsrail-Fələstin münaqişəsindən sonra indi də Cənubi Kiprdə hərbi canlanma yaranır. Almaniya xüsusi təyinatlıları Cənubi Kiprin nəzarətindəki bölgələrə gedib. Təkcə Almaniya deyil, digər ölkələrin əsgərləri belə Türkiyə və ŞKTR-nin icazəsi olmadan Qıbrıza yerləşə bilməz.

  Sürix və London zəmanət müqavilələrini xatırladıram.

  Cənubi Kiprin idarəsində hərbi hərəkətliliyi yaxından izləyirik və Şimali Kipr bütün bu mövzularda Türkiyə Respublikası ilə məsləhətləşir.

  Ümumiyyətlə, Kiprdəki hər bir hərbi proseslə bağlı Türkiyə məlumatlandırılmalıdır. Qıbrızın təminatçısı olan Türkiyədən icazəmiz olmadan xarici hərbi qüvvələrin adaya gəlməsi beynəlxalq sazişlərə ziddir. Bu, Almaniya və ya başqa bir ölkə olsa da, fərq etməz. Kiprin qarantları Türkiyə, İngiltərə və Yunanıstandır. Bunu nəzərə almaq lazımdır".

  İngiltərə Kiprdəki hərbi bazalarına dair müqavilələri əsasında adadadır. İngilislər bu bazalardan öz ölkəsinin milli maraqları ilə yanaşı, Kiprdəki türklərə və yunanlara zərər verməyəcək şəkildə istifadə etməlidir."