Mariya Zaxarova Zəngəzur dəhlizi ilə bağlı bəyanatlar verib
Mariya Zaxarova gündəmdəki məsələlərlə bağlı keçirdiyi həftəlik mətbuat konfransında jurnalistlərin suallarını cavablandırıb.
“Rusiya Zəngəzur dəhlizi layihəsinin həyata keçirilməsi yolu ilə Azərbaycanla Ermənistan arasında münasibətlərin normallaşdırılması istiqamətində irəliləmək üçün böyük potensial görür”.
Bunu Rusiya Xarici İşlər Nazirliyinin sözçüsü Mariya Zaxarova deyib.
Mariya Zaxarova gündəmdəki məsələlərlə bağlı keçirdiyi həftəlik mətbuat konfransında jurnalistlərin suallarını cavablandırıb.
Bir jurnalistin Rusiya sülhməramlı kontingentinin 2025-ci ilədək Azərbaycanın Qarabağ bölgəsində qalmasının zəruri hesab edilib-edilmədiyi ilə bağlı sualını cavablandıran Mariya Zaxarova Rusiya sülhməramlılarının Qarabağdakı mövcudluğunun və digər məsələlərin birgə müəyyən ediləcəyini deyib.
“Azərbaycanı Ermənistan vasitəsilə Naxçıvan Muxtar Respublikası ilə birləşdirən nəqliyyat marşrutunun bərpası layihəsinə baxılır. Biz bu layihənin həyata keçirilməsi ilə İrəvanla Bakı arasında münasibətlərin normallaşdırılması istiqamətində mühüm irəliləyiş potensialı görürük. Təbii ki, hər şey ölkələrin siyasi iradəsindən və konkret razılaşmaların əldə edilməsinin hazır olmasından asılıdır”,-deyә Rusiya Xarici İşlәr Nazirliyinin rәsmi nümayәndәsi qeyd edib.
