Qasım-Jomart Tokayev: ‘‘Qazaxıstan qondarma Donetsk vә Luqansk xalq respublikalarını tanımayacaq’’

Qazaxıstan Prezidenti Qasım-Jomart Tokayev Sankt-Peterburq Beynəlxalq İqtisadi Forumunda çıxış edib.

1845132
Qasım-Jomart Tokayev: ‘‘Qazaxıstan qondarma Donetsk vә Luqansk xalq respublikalarını tanımayacaq’’

Qazaxıstan qondarma Donetsk  və Luqansk  xalq respublikalarını tanımayacaq.

Bu sözlәri Qazaxıstan Prezidenti Qasım-Jomart Tokayev Sankt-Peterburq Beynəlxalq İqtisadi Forumunda çıxışında deyib.

Üzv olduqları Avrasiya İqtisadi Birliyinin Asiya və Yaxın Şərq bazarlarında genişlənməsinin vacibliyinə diqqət çəkən Qazaxıstan prezidenti  Qasım-Jomart Tokayev deyib: “Faydasız əks-sanksiyalar əvəzinə, Asiya və Yaxın Şərq bazarlarının geniş spektrini əhatə edən aktiv və çevik ticarət siyasəti aparılmalıdır. Burada Qazaxıstan bufer bazar rolunu oynaya bilər”.

Jurnalistlərin suallarını cavablandıran Tokayev Qazaxıstanın Donetsk və Luqanskla bağlı mövqeyini qiymәtlәndirib.

Kasım-Jomart Tokayev deyib: ‘‘Əgər bir millətin öz müqəddəratını təyinetmə hüququ bütün dünyada səmərəli şəkildə həyata keçirilsəydi, o zaman hazırda Birləşmiş Millətlər Təşkilatının üzvü olan 193 dövlətin əvəzinə 600-dən çox ölkə peyda olmalı idi. Bu səbəbdən biz nə Tayvanı, nə Kosovonu, nə Cənubi Osetiyanı, nə də Abxaziyanı tanıyırıq. Qondarma Donetsk  və Luqansk  xalq respublikaları ilә bağlı mövqeyimiz dә eynidir’’.

 

 

 



Әlaqәli Xәbәrlәr