Azərbaycanda TURKOVAC peyvəndinin klinik sınaqları başlandı

Türkiyə Sağlıq Departamenti (TÜSEB) ilə Azərbaycan Bakı Sağlamlıq Mərkəzi arasında TÜRKOVAC-ın xatırlatma dozasının 3-cü mərhələ klinik sınaqlarına başlanılması üçün protokol imzalanıb

1792728
Azərbaycanda TURKOVAC peyvəndinin klinik sınaqları başlandı

 

  Azərbaycanda Türkiyənin yeni növ koronavirusa (Covid-19) qarşı hazırladığı TURKOVAC peyvəndinin xatırladıcı dozasının (booster doza) 3-cü mərhələsinin klinik sınaqlarına başlanılıb.

  Türkiyə Sağlıq Departamenti (TÜSEB) ilə Azərbaycan Bakı Sağlamlıq Mərkəzi arasında TÜRKOVAC-ın xatırlatma dozasının 3-cü mərhələ klinik sınaqlarına başlanılması üçün protokol imzalanıb. Protokolu TÜSEB-in prezidenti professor Erhan Akdoğan və Bakı Sağlamlıq Mərkəzinin direktoru Asiman Həsənov imzalayıblar.

  İmzalanma mərasimindən sonra TÜSEB-in rəhbəri E.Akdoğan TÜRKOVAC-ın Türkiyədəki mərhələ işlərinin tamamlandığını və istifadəyə icazə verildiyini xatırladaraq deyib: “Biz həm elmi əməkdaşlıq baxımından, həm də yerli və milli peyvəndimizin Azərbaycanda geniş tətbiqi üçün ilkin mərhələ olan “Faza-3”ün klinik sınaqlarını başladıq”.

  Bakı Sağlamlıq Mərkəzinin direktoru Asiman Həsənov da öz növbəsində deyib: “Azərbaycanda 4 müxtəlif peyvənd tətbiq olunur. Dost və qardaş Türkiyə öz peyvəndini buraxıb və ondan səmərəli istifadə edir. Bu gündən biz TURKOVAC-ın Azərbaycanda “Faza-3” klinik sınaqlarına başlayırıq".

  Qeyd edək ki, Bakı Sağlamlıq Mərkəzi tərəfindən həyata keçiriləcək xatırladıcı doza “Faza-3” TÜRKOVAC-ın xaricdə aparılan ilk klinik çalışmasıdır.



Әlaqәli Xәbәrlәr