Azərbaycan XİN Türkiyə ilə Azərbaycanın sarsılmaz birliyinə diqqət çəkib

Azərbaycan XİN 2020-ci ilin yekunlarına dair mətbuat buraxılışını təqdim edib.

Buraxılışda Türkiyə ilə Azərbaycanın sarsılmaz birliyinə diqqət çəkilib. 

Bildirilib ki, qırx dörd günlük Vətən müharibəsində Azərbaycanın haqlı mövqeyini hər zaman dəstəkləyən və yüksək mənəvi yardımını əsirgəməyən Türkiyənin töhfəsini ayrıca vurğulamaq lazımdır. Azərbaycan üçün tarixi əhəmiyyət kəsb edən bu dövrdə Türkiyə-Azərbaycan qardaşlığının və birliyinin sarsılmaz olduğu növbəti dəfə özünü bariz şəkildə büruzə verib.