Prezident İlham Əliyev Rəcəb Tayyib Ərdoğana təşəkkür edib

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana məktub ünvanlayıb.

1450032
Prezident İlham Əliyev Rəcəb Tayyib Ərdoğana təşəkkür edib

Azərbaycan Respublikasının Prezidenti İlham Əliyev Türkiyə Respublikasının Prezidenti Rəcəb Tayyib Ərdoğana məktub ünvanlayıb.

Azәrbaycan Prezident Aparatından verilәn mәlumata görә, Prezident İlham Әliyev yeni növ koronavirusla mübarizә çәrçivәsindә Türkiyәdәn Azәrbaycana göndәrilәn tibbi lәvazimat ilә әlaqәdar Prezident  Rәcәb Tayyib Әrdoğana tәşәkkür edib.

Mәktubda deyilir: ‘Hörmətli cənab Prezident,Əziz Qardaşım. Sizin 2020-ci il 5 iyul tarixli məktubunuza görə təşəkkür edirəm. Mən də öz növbəmdə qardaş Türkiyədə yeni növ koronavirus xəstəliyi səbəbindən həyatını itirənlərin ailələrinə və yaxınlarına dərin hüznlə başsağlığı verir, virusa yoluxanlara Allahdan şəfa diləyirəm. Bəşəriyyətin üzləşdiyi koronavirus pandemiyası ilə mübarizədə Sizin rəhbərliyinizlə hökumətinizin milli və beynəlxalq səviyyədə fəaliyyəti təqdirəlayiqdir. Bütün sahələrdə olduğu kimi, ''COVID-19''a qarşı mübarizədə də Azərbaycan və Türkiyə “Bir millət, iki dövlət” şüarı əsasında həmrəylik nümayiş etdirir. Əminəm ki, birgə səylərimizlə koronavirus bəlasının öhdəsindən gələcəyik. Bu xüsusda qardaş Türkiyə Respublikası tərəfindən göndərilən humanitar yardıma görə Sizə öz adımdan və Azərbaycan xalqı adından dərin minnətdarlığımı bildirirəm. Bu, ölkələrimiz arasında qardaşlıq və dostluq münasibətlərinin növbəti bariz nümunəsidir. Sizə möhkəm cansağlığı, işlərinizdə uğurlar, qardaş Türkiyə xalqına daim rifah və əmin-amanlıq arzulayıram".

Qeyd edәk ki, dünәn Türkiyә Prezidenti Rәcәb Tayyib Әrdoğanın göstәrişi ilә  Azәrbaycana tibbi lәvazimat göndәrilmişdi.



Әlaqәli Xәbәrlәr