Azərbaycanın tanınmış bəstəkarı Xəyyam Mirzəzadə dünyasını dəyişdi

Azərbaycan Respublikasının xalq artisti, "Şöhrət" və "Şərəf" ordenli bəstəkar Xəyyam Mirzəzadə vəfat etdi.

Xəyyam Mirzəzadə uzun sürən xəstəlikdən əziyyət çəkirmiş.

Azərbaycan Mədəniyyət Nazirliyinin İnformasiya və İctimaiyyətlə Əlaqələr Şöbəsinin müdiri İntiqam Hümbətov bildirib ki, bəstəkarla vida mərasimi sabah Bakı Musiqi Akademiyasında saat 12-dən 14-dək davam edəcək.
 
Mədəniyyət nazirliyi X.Mirzəzadənin vəfatını böyük itki kimi dəyərləndirib və musiqi ictimaiyyətinə, bəstəkarın doğmalarına baş sağlığı verib.
 
Allah rəhmət eləsin.

Mənbə: APA