Tarixdә bu gün: 2 dekabr

Tarixin bu günü harada nәlәr baş verib, kimlәr xatırlanır? Qısaca nәzәr salaq.

2 dekabr 1804-cü ildə Napolyon Bonapart Parisdə Papanın iştirak etdiyi mərasimdə imperatorluq tacını geyindi. 

2 dekabr 1888-ci ildə 1872-ci ildə qələmə aldığı və 4 hissədən ibarət olan  “Vatan yahut Silistrə” adlı tamaşa  ilə mәşhurlaşmış  yazıçı və şair Namıq Kamal Sakız adasında 48 yaşında dünyasını dəyişdi.

2 dekabr 1920-ci ildə Türkiyə Böyük Millət Məclisi (TBMM) hökuməti ilə Ermənistan arasında Gömrü razılaşması imzalandı. TBMM-nin beynəlxalq sәviyyәdә  imzaladığı ilk razılaşması olan Gömrü razılaşması qüvvəyə minmədi, ancaq bu razılaşmanın zәmin yaratdığı  Moskva və Qars müqavilələri ilə Türkiyənin şərq sərhədləri dəqiqləşdi.