Tarixdə bu gün: 11 yanvar

Tarixin bu günü harada nələr baş verib, kimlər xatırlanır? Qısaca nəzər salaq.

1336999
Tarixdə bu gün: 11 yanvar

*** 

 

 

  630-cu ilin bu günlərində Hz. Məhəmmədin başçılığı altında İslam Ordusu Məkkəni fəth etdi.

  Bütpərəstlərin əlindən alınan Məkkədə İslam peyğəmbəri ümumi əhf elan etdi, az sonra Kəbəni bütlərdən təmizlətdi.

 

 

 

 

***

  1920-ci il yanvarın 11-də Parisdə Müttəfiqlərin Ali Şurası İngiltərənin xarici işlər naziri Lord Kerzonun təklifi ilə bu məzmunda qərar qəbul etdi: “Müttəfiq və birlik ölkələri Azərbaycan və Gürcüstan hökumətlərini de-fakto səviyyəsində tanıyır”. 

***

  Albaniya 1946-cı il 11 yanvarda özünü xalq respublikası elan etdi.

  Qeyd edək ki, Balkan yarımadasının qərbində yerləşən bu ölkə 1912-ci ildə müstəqillik qazanıb. 

***

 

 

 

  1962-ci ilin 11 yanvarında Peru təbii fəlakətlə sarsıldı: ölkənin ən yüksək dağı olan Nevada Huaskaran vulkanı aktivləşdi. Vulkanın həm partlama və həm də eyni gündə yaratdığı torpaq sürüşmələri nəticəsində minlərlə adam həyatını itirdi.

 

 

 

 

 

***

 

 

 

  Dünyaşöhrətli məşhur estrada müğənnisi Maykl Cekson (Michael Jackson) "Thriller" albomuyla 1984-cü ilin 11 yanvarında 8 “Grammy” mükafatı qazandı.

 

 

 

 

***

11 yanvarda həm də bu tarixi şəxsiyyətlər xatırlanır.

  Alman əsilli görkəmli rus bəstəkarı, SSRİ və Azərbaycanın Xalq artisti Reynqold Qliyer 1875-ci ilin bu günü Ukraynanın paytaxtı Kiyevdə anadan olub.

  1938-1948-ci illərdə SSRİ Bəstəkarlar İttifaqı Təşkilat Komitəsinin sədri vəzifəsində çalışan, öz yaradıcılığında Çaykovski və Raxmaninov kimi sənətkarların ənənələrini davam etdirən R.Qliyerin “Qırmızı lalə”, “Tunc atlı” baletləri məşhurdur.

  Reynqold Qliyer 1923-cü ildə Azərbaycan Xalq Maarif Komissarlığının dəvətilə Bakıya gəlib, Azərbaycan musiqi folkloru və xalq arasında geniş yayılmış “Aşıq Qərib” dastanı əsasında “Şahsənəm” operasını yazıb. (1875-1956)

*** 



Әlaqәli Xәbәrlәr