İnterneti əvəz edəcək texnologiya: ChatGPT
Bu günkü proqramımızda interneti əvəz edə biləcək texnologiyadan danışacağıq.
Hәyatın maraqlı anları_18_2022
OpenAI tərəfindən hazırlanmış “ChatGPT” adlı robot dialoq şəklində qarşılıqlı əlaqədə olan dil modeli kimi bir çox mövzularda qənaətbəxş cavablar verə bilər. Bu robota şeir yazdıranlar da var, kodlaşdırma etməsini istəyənlər də var.
Bu günkü proqramımızda interneti əvəz edə biləcək texnologiyadan danışacağıq.
OpenAI tərəfindən hazırlanmış “ChatGPT” adlı robot dialoq şəklində qarşılıqlı əlaqədə olan bir dil modeli kimi bir çox məsələlərdə qənaətbəxş cavablar verə bilər.
ChatGPT süni intellekt proqramı ilə proqramlaşdırılmış dil modelidir. Noyabrın 30-da süni intellekt tədqiqat şirkəti olan OpenAI tərəfindən bütün dünyaya təqdim edildi və təxminən beş gün ərzində bir milyon istifadəçiyə çatdırıldı. İstifadəçilərin ChatGPT ilə apardıqları söhbətlərdə sistemin bir çox mövzuda məntiqli və qənaətbəxş cavablar verə bildiyi müşahidə olunur.
İnsana bənzər cavablar verə bilən modelin internetdə yer alan məlumatlarla təchiz edildiyi və qarşıdakı illərdə axtarış sistemlərini əvəz edə biləcəyi deyilir.
ChatGPT-nin arxasında hansı texnologiya dayanır?
ChatGPT bu günə qədər ən böyük və ən güclü dil emal texnologiyalarından biri kimi qeyd edilən GPT-3 texnologiyasından istifadə edir. ChatGPT-ni xüsusi edən onun "dialoq" üçün optimallaşdırılmasıdır.
Texnologiya Akademiyasının qurucusu Devrim Danyal ChatGPT-nin istifadəçilərin rəyləri ilə qidalandığını vurğulayır.
ChatGPT hansı mövzularda danışa bilər?
ChatGPT-nin nə edə biləcəyini fərdi olaraq söyləmək çətindir. Məsələn, istədiyi mövzuda məqalə yaza bilər, saatlıq cədvəl işlərini görə bilər, yaxşı layihə təklifi hazırlaya bilər, hətta mahnı sözləri, hekayələr, ssenarilər və reseptlər yaza bilər...
ChatGPT hələ də çox məhduddur və OpenAI şirkəti sistemin sınaq mərhələsində olduğunu vurğulayır. Bu model internetdən məlumat əldə etdiyi üçün təqdim etdiyi məlumatın təsdiqə ehtiyacı olduğunu nəzərə almaq lazımdır.
Texnologiya Akademiyasının qurucusu Devrim Danyal gələcəkdə təsdiqlənmiş, təsdiqi olmayan məlumatlar təqdim edərsə, qərar vermə mexanizminə çevrilə biləcəyini düşünür.
Әlaqәli Xәbәrlәr
Türkiyə neft hasilatında rekorda imza atılıb
Türkiyə tarixində ilk dəfə neft hasilatında rekorda imza atılıb.
Bir saat 60 dəqiqədir, çünki … (mətin və audio)
Nə üçün bir saat 20 və ya 100 deyil, 60 dəqiqədir? Niyə bir sutkada 24 saat var?