İhlara vadisinin dünya kanyonları arasında əhəmiyyətli bir yerə sahib olduğunu bilirsinizmi?

Mərkəzi Anadoluda yerləşən İhlara vadisinin dünya kanyonları arasında əhəmiyyətli bir yerə sahib olduğunu bilirsinizmi?

Uzunluğu 18 kilometr, dərinliyi 150 metr və eni 200 metr olan İhlara vadisi Mərkəzi Anadoluda Aksaray vilayətinin sərhədləri daxilində yerləşir. Minlərlə yaşayış sahəsini ehtiva edən İhlara vadisi digər kanyonlardan fərqli olaraq keçmişdə insanların yaşadığı dünyanın ən böyük kanyonu olma xüsusiyyətinə malikdir. Vadini əhatə edən qayaların oyulması ilə tikilmiş yüzlərlə kilsə və məkan vadini dünyanın ən mühüm mədəniyyət və sivilizasiya mərkəzlərindən birinə çevirmişdir.

İhlara vadisi öz təbiəti ilə Türkiyədə görülməli yerlərdən biridir. Divar kimi sıldırım, dərin və ensiz olan dərənin dibindəki suyun kənarında sıx yaşıllıq zolağı var. Vadinin ətrafında çölvari və kiçik ölçülü bitki örtüyü diqqət çəkir. Ancaq vadinin yamaclarından baxanda zəngin və yaşıl bir təbiət parçası görünür. Bölgədə kontinental iqlim üstünlük təşkil etsə də, vadinin dibində Aralıq dənizi iqlimi hiss olunur.