15 iyul xain çevriliş cəhdi və Türk Dünyasının FETÖ ilə mübarizəsinin önəmi
Türk İslam Araşdırmaları Mərkəzinin rəhbəri, Xəzər Universitetinin müəllimi Dr. Telman Nüsrətoğlunun “15 iyul xain çevriliş cəhdi və Türk Dünyasının FETÖ ilə mübarizəsinin önəmi” başlıqlı yazısı
Uzun illər boyu davam edən planlı bir strategiya, açdıqları təhsil yuvaları üzərindən hazırladıqları beyin və ruhları ələ keçirilmiş nəsillərlə ordu, təhlükəsizlik bürokratiyası başda olmaqla Türkiyə və bütün Türk-İslam aləminin dövlət qurumlarına sızaraq qərar verici mexanizmlərə hakim olmaq, cəmiyyətin müxtəlif təbəqələrini hörümçək ağlarının içinə çəkmək istəyən FETÖ-nün necə təhlükəli bir təşkilat olduğu 15 İyul xain çevriliş cəhdiylə açıq bir şəkildə ortaya çıxdı. Xarici imperialist dairələr tərəfindən himayə edilən bu təşkiat, tarixi etibariylə geniş coğrafiyalarda möhkəm bağları bulunan, marka dəyəri olan Türk adı, Türk məktəbləri üzərindən şəbəkələşərək fəaliyyətini ildən ilə genişlətmiş, qlobal miqyasdakı hədəflərini həyata keçirə bilmək üçün əvvəlcə Türkiyə dövləti və iqtidarını ələ keçirməyi başlıca vazifəsi olaraq görmüşdür.
Sovet dövlətinin dağılması iki qütblü dünya reallığının da sonunu gətirmiş, Türk Dünyası müstəqilliyini əldə etmiş, geopolitik anlamda da Türkiyənin önündə böyük imkanlar açılmışdı. Belə siyasi şəraitdə nəhəng bir mədəniyyəti təmsil edən, strateji bir coğrafiyada yerləşən, soydaş, dindaş və əqraba arealıyla bütünləşmə ehtimalında qlobal aktyor kimi varlıq göstərmə potensiyalı yüksək olan və tarix boyu dünyanın müxtəlif coğrafiyalarında böyük imperatorluqlar qurmuş Türk millətinin tək güclü dövlətinə sahib olan Türkiyənin dünyanın qərar vericilərinin limanlarına dəmirlənməsi çox daha vacib hala gəlmişdi. Təsvir etməyə çalışdığımız qlobal siyasi mənzərə içində bəslənərək böyüdülən FETÖ həm daxildən, həm də xaricdən Türkiyənin çevrələnməsi, nəzarət altına alınması işində ən önəmli instrumentlərdən biri olmuşdur.
Böyük Yaxın Şərq proyektiylə Suriya və İraq cəbhəsində baş verənlər əsas olmaqla terror təşkilatlarına belə meydan açılaraq Türkiyənin milli təhlükəsziliyinə, ərazi bütövlüyünə təhlükə törədəcək hadisələr yaşanınca Qərb “müttəfiq”lərinin təhlükəli oyununa qarşı Türk dövlətinin həmlələri başlamış, xüsusiylə Aralıq dənizinə çıxışı olan terror dövləti qurma planına qarşı ən üst pərdədən etirazlar ortaya qoyulmuşdur. Ərdoğanın liderliyiylə sərgilənən bu milli duruş, onun üzərindən Türkiyəni daha mürəkkəb və çətin bərtaraf edilə biləcək kəşfiyat əməliyyatlarının hədəfi halına gətirmişdir. Ərdoğanın hakimiyyətdən uzaqlaşdırılaraq daha sözə baxan bir iqtidarla əvəzlənməsi işində əsas vəzifə illər boyu dövlətin müxtəlif strukturlarına yerləşdirilən, insanların dini duyğularından istifadə edərək təşkilatlanıb mediadan iqtisadiyyata çox böyük bir güc halına gələn FETÖ-yə verilmişdir.
MİT böhranı, Gəzi Parkı nümayişləriylə başlayan iğtişaş təşəbbüsü, 17- 25 dekabr əməliyyatı kimi sistemli xarakter alan bütün əməliyatların əsas hədəfi əlbətdə Ərdoğanı iqtidardan endirmək idi. Türkiyənin qlobal aktyor, müstəqil güc mərkəzlərindən birini təmsil edən ölkə kimi meydana çıxmasını istəməyən müstəmləkəçi dairələr daxil və xaricdəki digər oyunçularını da hərəkətə keçirmiş, İstanbul və Ankaranın küçələrində ard-arda bombalar partlamağa başlamışdı. Ancaq Türk dövlətinin siyasətini müəyyənləşdirənlər bu milli duruşu davam etdirərək bütün sədləri aşmaqda, sonuna qədər təhlükəsizlik bürokratiyasını FETÖ-dən təmizləməkdə qərarlı olunca ordu içindəki devşirmə şəbəkəsi ağalarının təlimatıyla Türk xalqıyla onun qəhrəman ordusunu qarşı qarşıya gətirmək üçün son və təhlükəli hücumunu həyata keçirmək istəmişdir. 15 İyul xain çevriliş cəhdi zamanı TBMM binası başda olmaqla dövlət binaları da bombalanmış, sinəsini sipər edərək xəyanətin qarşısını almağa çalışan 249 məsum insan şəhid olmuş, iki mindən çox vətəndaş yaralanmışdır.
15 İyul Qurtuluş savaşından sonra Türk dövlətinin qarşı-qarşıya qaldığı ən ciddi təhlükələrdən biri idi. Ancaq öncəliklə prezident Ərdoğanın siyasi liderliyi, dirayəti sayəsində Türk milləti ordusu, polisi, ziyalıları, gəncləriylə bütöv halda ayağa qalxaraq dövlətini bu təhlükədən qorumuş, qibtə oyandıracaq bir milli iradə nümayiş etdirmişdir. Türk xalqı həm də demokratiya savaşından qalib çıxmışdır. Çevrilişə cəhd dövrü, eləcə də FETÖ-nün dövlət və cəmiyyət həyatından təmizlənməsi zamanı meydan çıxan kripto ( gizli) fetöcü qavramı bu təşkilatın sıradan bir təşkilat olmadığını, onunla mübarizədə dövlət ağlı və bilgisinin vacib olduğunu da ortaya qoymuşdur. İnsan haqları, demokratiya kimi qavramları özünün sevimli şüarına çevirən Qərb dünyasının səssizlik və məyusluq içində Türk millətinin o xain çevriliş cəhdinin qarşısını necə qəhrəmanlıqla almasını izləməsi də ayrı bir mövzudur. Sonrakı dövr Amerika başda olmaqla Qərb ölkələrinin FETÖ-yə hər cür dəstək verməyə davam etməsi, xalqın üzərinə atəş açan, hərbi təyyarəylə ölkədən qaçan xuntaçılara sığınacaq verməsi, F. Güləni Türkiyəyə təhvil vermək bir yana dursun Amerika və dünyanın fərqli ölkələrindəki məktəblərinə maddi yardımlar etməsi bu şəbəkənin imperiyalzimin uzantısından başqa bir şey olmadığını göstərmişdir. Bu təşkilatlanmanın qlobal və şaxəli xarakterini diqqətə aldığımızda Türkiyəylə paralel olaraq dünya çapında, xüsusuiylə Türk-İslam aləmində mübarizənin nə qədər önəmli olduğu da anlaşılmaqdadır. Türk Dünyasının daha da milliləşməsi, müstəqilləşməsi üçün FETÖ kimi gizli gündəmlə başqa ölkələrə xidmət edən təşkilatlardan təmizlənməsi şərtdir. Unudulmamalıdır ki, himayəçi mərkəzlərin təziqindən çəkinilərək sözügedən şəbəkəyə qarşı ciddi mübarizə aparılmazsa zamanında Türkiyədən Türk Dünyasına yayıldıqları kimi bu səfər də güclü olduqları Türk dünyasından Türkiyəyə sızmaq, Türk dövlətlərinin qərar alıcı mexanizmlərinə yerləşərək Türkiyə ilə əlaqələrin dərinləşdirilməsinə mane olmaq, Türk Dünyasının birliyini sabotaj etmək ehtimalı böyükdür.