Quzu ətli səbzəli güvəc necә hazırlanır?

Salam, hörmәtli oxucularımız. ‘‘Türkiyә mәtbәxi’’ proqramının növbәti hissәsi ilә qarşınızdayıq. Hәr şeylәri ilә olduğu kimi mәtbәxi vә ağız dadı ilә azәrbaycanlılara çox yaxın olan türkiyәlilәr dә bәzi yemәklәrini bizim piti qablarına bәnzәyәn saxsı qablarda hazırlayırlar. Türkiyәlilәr bu qabları  ‘‘güvәç’’ adlandırırlar vә çox zaman bu qablarda  bişirilәn yemәklәrin dә adı güvәç olur.  Bu proqramda sizә ‘‘Kuzu etli, sebzeli güveç’’ adlı yemәyin reseptini verәcәyik. Güvәçdә hәr növ әt, tәrәvәz vә ya paxlalı bitkilәri bişirmәk mümkündür. Әtli vә ya tәrәvәzli güvәçlәri әnәnәvi olaraq hәm odun sobasında, hәm elektrikli sobada, hәm dә ocağın üstündә bişirә bilәrsiniz.

‘‘Kuzu etli, sebzeli güveç’’ yemәyinin resepti belәdir:

700 qram xırda doğranmış quzu əti

 2 ədəd  soğan

 4 ədəd yaşıl bibәr

 4 ədəd pomidor

 2 ədəd badımcan

 3 ədəd  kartof

 1 ədəd yerkökü

 1 ədəd  qabaq

 1 yemək qaşığı pomidor tomatı

 3 diş sarımsaq

 1 çay qaşığı qurudulmuş  kəklikotu

 1 çay qaşığı istiot

 Yarım çay stəkanı zeytun yağı vә duz

Hazırlanma qaydası belәdir:

İlk növbәdә  güvәçin içini yağlayıb әtlәri qabın dibinә yerlәşdiririk. Soğanları halqa şәklindә doğrayıb yemәyimizә әlavә edirik. Daha sonra badımcan, qabaq vә kartofu xırda-xırda doğrayıb әtin vә soğanın üzәrinә әlavә edirik. Pomidorları halqa şәklindә doğrayıb bibәrlәrlә birgә yemәyin üzәrinә düzürük. Daha sonra  pomidor tomatını suda әridirik. İsiot, duz, kәklikotu vә zeytun yağını hazırladığımız tomatlı sousa sәpirik. Әn son hazırlanan  tomatlı sousu yemәyә әlavә edirik. ‘‘Kuzu etli, sebzeli güveç’’ yemәyini 1-1,5 saat әrzindә bişirin. Nuş olsun.