Mardin
‘‘Türkiyәdә turizm’’ proqramında bu hәftә sizә misilsiz mәdәni zәnginliklәri ilә diqqәtlәri cәlb edәn Mardin şәhәrini daha yaxından tanıdacağıq.
‘‘Türkiyәdә turizm’’ proqramında bu hәftә sizә misilsiz mәdәni zәnginliklәri ilә diqqәtlәri cәlb edәn Mardin şәhәrini daha yaxından tanıdacağıq.
Mardin şәhәri cәnub-şәrqi Anadolu bölgәsindә yerlәşir. Yüksәk bir tәpәdә yerlәşәn şәhәr Kızıltәpә ovalığına baxır.
Dәclә vә Fәrat çayları arasında yerlәşәn Mardin müxtәlif sivilizasiyalara ev sahibliyi edib. Şәhәr 11-ci yüzilәdәk Asur, Hitit, Urartu, Medlerin vә daha sonra Anadolunu әlә keçirәn Roma İmperiyasının hakimiyyәtindә olub. Bölgə Böyük Səlcuq İmperiyası zamanında Türk hakimiyyətinə keçib.
İpək Yolu üzərində yerlәşәn Mardin şәhәri Mesopotamiyanın ən qədim yaşayış mәrkәzlәrindәn biridir. Mardin şәhәri özünәmәxsus evlәri ilә tanınır. Sarı əhəngdaşından tikilmiş evlərin qapıları Mesopotamiya ovalığına baxır. Mardin eyvan formasında dağın zirvәsinә doğru düzülәn evlәrә sahibdir. Daşdan inşa edilәn bu evlәrdә mütlәq ‘‘avlu’’ yәni hәyәt mövcuddur. Yay fәslindә evlәrin damında yatılır. Mardin hәmçinin dar yolları ilә dә mәşhurdur.
Açıq hava muzeyinә bәnzәyәn şәhәrdә görülәcәk çox tarixi mәkan mövcuddur.
Bu tarixi mәkanlarda biri dә Dara antik şәhәridir. Dara antik şәhәri Mardin kimi Mesopotamiyanın әn qәdim yaşayış mәrkәzlәrindәn biri olub. Şәhәr Roma və Farslar arasındakı münaqişələr sәbәbindәn tez-tez hakimiyyәt dәyişikliklәrinә mәruz qalsa da antik Roma şəhəri kimi günümüzədәk gəlib çata bilib. Mardin eyni zamanda Süryanilәrin yәni (xrisyian әrәblәrin) Türkiyədə ən çox olduğu bölgədir.
Süryanilәrin dini mәrkәzi olan Deyrul Zafәran da Mardinә çox yaxın mәsafәdә yerlәşir. Deyrul Zafәran monastırı 5-ci әsrdә inşa olunub. Deyrul Zafәran monastırı xristianlıq dövründәn öncә kilsәyә daha sonra isә monastra çevrilib. İbadətgah günümüzdә dә öz fәaliyyәtini davam etdirir. Ulucami Mardinin mәrkәzindә yerlәşәn әhәmiyyәtli tarixi әsәrlәrdәn biridir.
Mardindəki ən qədim məscidlərdən biri olan Ulucami 1176-cı ildә inşa edilib.
Zərif Artuqlu arxitekturası şəhərə öz damğasını vurub. Şehidiyә, Melik Mahmud, Latifiyә vә Nəcməddin məscidlәri dә şәhәrin siluetinә öz damğalarını vuran әsәrlәrdәndir. Mәscidlәrlә yanaşı Artuqlu dövründә inşa edilәn mәdrәsәlәr dә diqqәtlәri cәlb edir.
Bu gözәl şәhәri hәr il hәm ölkә daxilindәn hәm dә xaricindәn çox sayda turist ziyarәt edir.
Bölgәdә mövcudluğunu davam etdirәn Zinciriyә mәdrәsәsi 14 әsrdә inşa edilmiş vә turistlәrin diqqәtlәrini cәlb edәn әsәrlәrdәn biridir.
Kasımiyyә mәdrәsәsi isә bölgәdә inşa edilәn әn әhәmiyyәtli mәdrәsәlәrindәn biridir. Mәdrәsә öz dövrünün әn önәmli tәhsil mәrkәzlәrindәn biri olub.
Süryanilәrә aid kilsәlәr şәhәrin mәrkәzindә vә rayonlarında günümüzdә dә öz mövcudluğunu davam etdirir.
Mardinin Midyat rayonu da Süryanilәr üçün xüsusi әhәmiyyәt daşıyır.
Buranın zәrgәrlәrinin gümüşdәn yaratdıqları әsәrlәri Türkiyә sәrhәdlәrinin kәnarında da mәşhurdur.
Mardin mədrəsəlәri, məscidləri, kilsələri vә monastırları ilә mәşhurdur. Şәhәrdә mövcud olan tarixi bazarlar, kafelәr vә şәhәrә hakim tәpәdә yerlәşәn qala turistlәrin diqqәt mәrkәzindәdir.
Әziz dinlәyicilәr günün birindә yolunuz Mardinә düşәrsә buranın özünә mәxsus mәtbәxinә qonaq ola bilәrsiniz.
Әlaqәli Xәbәrlәr
Türkiyə neft hasilatında rekorda imza atılıb
Türkiyə tarixində ilk dəfə neft hasilatında rekorda imza atılıb.