Amerika səmasında görünən “sirli” obyekt bəlli oldu

  Məlum olub ki, ABŞ-ın paytaxtı Vaşinqtonda və ətraf ştatlarda görünən “sirli” obyekt “Space X” tərəfindən buraxılan “Falcon 9” raketidir.

  23 sentyabr axşamı Vaşinqton və ətrafındakı Merilend və Virciniya ştatlarının səmasında peyda olan “sirli” səma cismi maraq doğurub.

  Obyektin görüntülərini sosial media platformalarında paylaşan adamlar üçün bunun nə olduğu şübhə altında qalıb.

  Obyektin “Space X” şirkəti tərəfindən Floridadakı aerokosmik bazadan buraxılan və “Starlink” peyklərini daşıyan “Falcon 9” raketi olduğu açıqlanıb.