NATO Türkiyənin alyansa dəstəyini əks etdirən klip hazırlayıb

Şimali Atlantika Alyansı (NATO) Türkiyənin alyansa verdiyi dəstəyə həsr olunan klip hazırlayıb.

NATO-nun rəsmi “Twitter” saytında paylaşım edilən klipdə müharibə pilotu Esra Özatayın ifadəsilə Türkiyənin alyansa verdiyi müxtəlif töhfələr təqdim olunub.

“NATO birgə dəyərlərdən ibarət bir ailədir. Sülh və sabitlik üçün müttəfiqlərimizlə birliktəyik. Türkiyə NATO-dur. Biz NATO-yuq” mesajı ilə paylaşım edilən klipdə Türkiyə təhlükəsizlik qüvvələrinin görünləri nümayiş olunub.

Klipdə Özatay “Müttəfiqlər olaraq birgə dəyərləri bölüşürük. Həm bu dəyərləri, həm də bir-birimizi qorumaq üçün birgə hərəkət edirik. NATO-ya dəstəyimiz Türkiyənin alyansa qoşulduğu 1952-ci ildən başlayır. NATO vəzifə və hərəkatlarına ən çox dəstək verən ölkələrdən  biriyik. Alyansdakı ilk qadın döyüş təyyarəsi pilotu Leman Bozkurt Altınçekicin Türk olması ilə fəxr edirik” ifadəsi işlədilib.

Hər NATO üzvünün bərabər səviyyədə söz haqqı olduğuna diqqət çəkilən klipdə qərarların birlikdə alındığı vurğulanıb və “Birlikdə daha güclüyük və əmin-amanlıq içindəyik” mesajı verilib.