İqlim dəyişikliyinin dünya sülhünə təsiri

İqlim dəyişikliyi 10 il ərzində dünya sülhünə təhdid ola bilər.

Mərkəzi qərargahı Avstraliyada yerləşən İqtisadi və Sülh İnstitutunun (IEP) yaydığı illik sülh hesabatına görə, iqlim dəyişikliyinə görə azalan təbii ehtiyatlar və kütləvi köçlər ölkələr arasında ziddiyyət və qarşıdurmalara səbəb ola bilər. Qlobal istiləşmə səbəbindən təqribən 1 milyard insan yüksək riskli bölgələrdə yaşayır. Bu insanların 40 faizə yaxını hazırda toqquşmaların və problemlərin olduğu ölkələrdədir. Xüsusilə sürətli iqlim dəyişikliklərilə ortaya çıxa biləcək qıtlıq, təbii fəlakət və kütləvi köçlər kimi səbəblər ölkələr arasında toqquşmaları artıra bilər.