Barış Mançonun muzeyinə böyük maraq

Türkiyənin məşhur müğənnisi Barış Mançonun şəxsi əşyalarının nümayiş olunduğu Barış Manço muzeyinə sənətkarın ölünmünün 19-cu ildönümündə heyranları axın etdilər.
Lalə Manço görkəmli sənətkarın ailəsi ilə birgə yaşadığı ev olan, İstanbulda Kadıköy Moda səmtində yerləşən muzeyin 2010-ci ildə yaradıldığını bildirərək: "Buranı bizim yaşadığımız şəkildə qoyduq və çıxdıq" dedi.
 
 Lalə Manço muzeyin Kadıköydə ən çox gəzilən məkanlardan biri olduğunu qeyd edərək:" Yanvar ayından etibarən muzeyimizə 6 min nəfər gəlib. Bu göstəricinin muzeyşünaslıq sahəsində ciddi bir rəqəm olduğunu düşünürəm" ifadələrini işlətdi.
 
Muzeydə Barış Mançoya aid hər növ əşya - geyimlər, üzüklər və kolleksiyalar da nümayiş olunur.
 
Görkəmli sənətkarın oğlu Batıkan Manço isə muzeyə gələnlərin atasının tamaşaçılara məlum olmayan tərəfləri ilə də qarşılaşacağını vurğulayaraq:"  Müzeyin ən üst mərtəbəsində atamın gəncliyində qrafika üsulu ilə çəkdiyi rəsmləri var.  Bura yalnız muzey deyil. Barış Mançonun həyat tərzi bu evin hər divarında, hər mərtəbəsində əks olunur" dedi.