Müasir dövr muğam sənətinin tanınmış ifaçısı, Azərbaycan Dövlət Qədim Musiqi alətləri ansamblının solisti Teyyub Aslanovun yeni musiqi albomu çıxıb. Xanəndənin söylədiyinə görə, “Aman təklik əlindən” adlı albomda eyniadlı xalq mahnısı, “Bayatı Kürd” muğamı, “Bayatı Şiraz” təsnifi, “Mahur” kompozisiyası ilə yanaşı bəstəsi Polad Bülübüloğluna məxsus “Dilin can incidəndir” mahnısı da yer alıb.

  Nəfis tərtibatlı albomda xanəndəni əməkdar artistlər Əliağa Sədiyev (tar), Şirzad Fətəliyev (balaban), Kamran Kərimov(nağara), kamançada isə Elnur Mikayılov müşayiət edir.

  Özünəməxsus ifa tərzi ilə dinləyicilərin qəlbinə yol tapan xanəndənin albomu muğam irsinə töhfə ilə yanaşı musiqisevərlərə də xoş anlar bəxş edəcək.

  Qeyd edək ki, yaxınlarda Teyyub Aslanov pərəstişkarlarını solo konsertilə sevindirəcək.