Min illik İncil üçün mǝhkǝmǝyǝ müraciǝt edilib

Tokat şǝhǝrindǝ ǝlǝ keçirilǝn min illik İncil üçün mǝhkǝmǝyǝ müraciǝt edilib.
Tokat vilayǝtindǝ Mǝdǝniyyǝt vǝ Turizm müdiri Әbdürrǝhman Akyüz, şǝhǝrdǝ tapılan vǝ min illik olduğu bildirilǝn İncilin Tokat şǝhǝrindǝ qalması üçün cǝhd göstǝrǝcǝklǝrini deyib.
Akyüz verdiyi açıqlamada İncilin mǝlum olan tarixdǝn daha da qǝdim ola bilǝcǝyini bildirǝrǝk, bunun dǝqiqlǝşmǝsi üçün karbon testinin tǝtbiq edilǝcǝyini söylǝyib.
İncilin Anadoluda yazıldığını vurğulayan Akyüz qeyd edib ki, İncil Süryani (Assuriya) dilindǝ yazılıb, qızıl vǝrǝqlǝrlǝ bǝzǝklidir. Onun qiymǝti vǝ orjinallığı mübahisǝ edilǝ bilmǝz. Bunu polis idarǝsinin qaçaqçılıqla mübarizǝ bölmǝsi ǝlǝ keçirdiyi üçün bir mǝhkǝmǝ prosesi var. Polis idarǝsinin xǝbǝrdarlıq nǝticǝsindǝ hǝyata keçirdiyi ǝmǝliyyat nǝticǝsindǝ bir maşında tapılan 21x16 santimetr ölçülǝrindǝ 51 yarpaq, tǝqribǝn min illik vǝ qǝdim Süryani dilindǝ yazıldığı bildirilǝn, içǝrisindǝ qızıl vǝrǝqlǝr olan dini motivli şǝkillǝrlǝ bǝzǝkli İncil ǝlǝ keçirilib.