"Take Off İstanbul" sahibkarları bir araya gətirməyə hazırlaşır

  Sahibkarlıq və texnologiya dünyasının ən prestijli görüş nöqtəsi olan "Take Off İstanbul 2024" dekabrın 11-12 tarixlərində İstanbul Sərgi Mərkəzində öz qapılarını açır.

  Türkiyə Texnologiya Komandası Fondunun (T3 Vakfı) təşkil etdiyi tədbir 2018-ci ildən bəri innovativ ideyaları, sahibkarları və investorları bir araya gətirərək gələcəyin marşrutunu cızır.

  “Take Off İstanbul 2024” biznesmenlərə təkcə platforma təqdim etmir, həm də onları mükafatlarla həvəsləndirir.

  Sahibkarlar tədbir boyu stendlərdə öz layihələrini nümayiş etdirərək geniş auditoriyaya çatmaq, şəbəkələşmə imkanları olan sektorun digər peşəkarları ilə tanış olmaq və investisiya qurumları ilə təkbətək görüşmək imkanı əldə edəcəklər.

  Bundan əlavə, “Take Off 20” konsepsiyası ilə ən innovativ və iddialı təşəbbüslər investisiya/qrant mükafatları qazanmaq imkanı verəcək. Həm də tədbirdə tərəfdaş qurumlar və sponsorlar tərəfindən təqdim olunacaq xüsusi mükafatlar sahibkarları qlobal bazara açılmaq yolunda gücləndirəcək.