Türkiyənin hava yolu ilə ixracatı 2019-2023-cü illəri əhatə edən 5 ildə

  Türkiyənin hava yolu ilə ixracatı 2019-2023-cü illəri əhatə edən 5 ildə 72 faiz artımla 92,5 milyard dollara çatıb.

  2019-cu ildə ölkədən hava yolu ilə 14,8 milyard dollarlıq məhsul ixrac edilib.

  Dünyada nəqliyyatı dayandıran “Covid-19” epidemiyası zamanı - 2020-ci ildə Türkiyədən hava yolları tərəfindən 12,7 milyard dollarlıq ixracat həyata keçirilib.

  Epidemiyaya qarşı görülən tədbirlər nəticəsində 2021-ci ildə 18,7 milyard dollara yüksələn hava yollarından ixracat 2022-ci ildə 20,7 milyard, 2023-cü ildə isə 25,5 milyard dollara çatıb.

  Beləliklə, 5 ildə hava yolları ixracatı 71,8 faiz artaraq 92,5 milyard dollar olaraq qeydiyyata düşüb.

  Cari ilin yanvar-iyul dövrünü əhatə edən 7 ayda da hava yolu ilə ixrac artıb. Bu zaman ərzində Türkiyədən hava yolu ilə 14,2 milyard dollarlıq ixracat gerçəkləşdirilib. Ötən ilin eyni dövründə bu rəqəm 12,7 milyard dollar idi.