Türkiyə və Özbəkistan əmtəə bazarında əməkdaşlığı artırırlar

  Türkiyənin Enerji Bazarlarının İdarə Edilməsi anonim şirkəti - EPİAŞ (Enerji Piyasaları İşletme AŞ) və Özbəkistan Əmtəə Birjası (UZEX) əməkdaşlıq edəcək.

  EPİAŞ-ın saytında yer alan açıqlamaya görə, enerji və əmtəə bazarlarında əməkdaşlığın artırılması məqsədilə iki qurum arasında anlaşma memorandumu imzalanıb. Mərasim EPİAŞ-ın baş direktoru Taha Meli Arvas və UZEX Direktorlar Şurasının sədri Badriddinov Ziyoviddin Bositoviçin iştirakı ilə keçirilib. T.M.Arvas deyib: "Türkiyənin enerji mübadiləsi olaraq Özbəkistanda enerji və əmtəə bazarlarının inkişafı üçün təcrübəmizi və texnoloji həllərimizi paylaşmağa hazırıq".