OPEC+ nazirlərinin növbəti görüşü Vyanada keçiriləcək

OPEC və qeyri-OPEC ölkələrinin nazirlərinin növbəti görüşü 26 noyabr 2023-cü ildə Avstriyanın paytaxtı Vyanada keçiriləcək.

Bu barədə iyunun 4-də keçirilən 35-ci nazirlər görüşünün yekunları üzrə dərc edilən bəyanatda bildirilir.

Keçirilən görüşdə neft hasilatının səviyyəsinin 2024-cü ildən sutkada 40,46 milyon barelə qədər tənzimlənməsi qərara alınıb. Yeni qərarın neft bazarının sabitliyinə nail olmaq və saxlamaq və uzunmüddətli proqnozlaşdırıla bilən şəraitin yaradılması məqsədilə qəbul edildiyi bildirilib.