“Sirena” kruiz gəmisi Antalyanın Alanya rayonunda lövbər salıb

Rodos adasını ziyarət etdikdən sonra Antalya istiqamətində üzməyə başlayan 181 metr uzunluğundakı nəhəng kruiz gəmisi səhər vaxtı Alanyaya çatıb. Alanya limanına yanaşan gəminin göyərtəsində əksəriyyəti amerikalı olmaqla 641 turist və 385 personal gömrük rəsmiləşdirilməsindən sonra gəmidən düşüb. Turistlərin bir qismi ətrafdakı tarixi abidələri görmək üçün turlara qatılıb, bir hissəsi də rayon mərkəzinə gedərək alış-veriş edib.