"Rusiya neftin qiymətinə qoyulan həddi qəbul etməyəcək", D.Peskov

  "Rusiya neftin qiymətinə qoyulan həddi qəbul etməyəcək", bunu Rusiya Prezident Aparatının mətbuat katibi Dmitri Peskov jurnalistlərə açıqlamasında deyib.

  Xatırladaq ki, Avropa İttifaqı, G7 ölkələri və Avstraliya Rusiya neftinin bir barelinin qiymətini 60 dollar məbləğində müəyyən ediblər. D.Peskov ölkəsinin bu qərarla razı olmadığını və vəziyyətlə bağlı təcili təhlil aparıldıqdan sonra qərar veriləcəyini bildirib.

  Rusiya hökuməti sədrinin müavini Aleksey Novak da məsələ ilə əlaqədar qeyd edib ki, RF qiymət həddi müəyyən etmiş ölkələrə neft ixrac etməyəcək.