Türkiyənin ilk yerli "Fateh" və "Qanuni" qazma gəmiləri hazırlıqları davam etdirirlər

  Türkiyənin ilk yerli "Fateh" və "Qanuni" qazma gəmiləri “Türkali-2” quyusundan sonra apreldə başlayacaqları qazma-kəşfiyyat işlərinə hazırlıqları davam etdirirlər.

  “Fateh” Şimali Sakariya Qaz Sahəsində "Amasra-1" quyusu bölgəsində qazma-kəşfiyyat çalışmasından əvvəl Zonquldağın Çayçıma qəsəbəsindəki Filyos Limanına lövbər atıb.

  Eyni limana 2020-ci ilin 14 noyabrda çatan və burada qüllə montajı, dəniz seyri testi, qazma qurğularının montajı və quyu dibi təhlükəsizlik sistemlərini yoxlayan Türkiyənin üçüncü qazma gəmisi “Qanuni” də "Amasra-1" quyusunda “Fateh”in işlərini tamamlayacaq və bəzi test əməliyyatları aparacaq.

  Xatırladaq ki, Türkiyənin enerji və təbii qaynaqlar naziri Fateh Dönmez qonaq olduğu özəl telekanalda: “Hədəfimizdə qarşıdakı 5 ildə 30-40 arası quyu qazmaq var. 2023-cü ildə, inşaallah, cümhuriyyətimizin 100-cü yaşında ilk qazı çıxararaq milli qazma sisteminə basmaq istəyirik."