OPEK-in neft gǝliri 28,6% artıb
Neft İxrac edən Ölkələr Təşkilatına (OPEC) üzv ölkələrin 2017-ci ildə neft ixracından əldə etdikləri gəlir əvvəlki ilə müqayisədə 28,6% artaraq 567 milyard dollar olub.
Amerika Birləşmiş Ştatları (ABŞ) Enerji İnformasiya İdarəsinin (EIA) hesabatına görə, 2016-cı ildə Brent növ neftin barelə görə qiyməti 43,74 dollar idi. 2017-ci ildə 54,15 dollara, Müvafiq dövrlərdə Qərb Texas (WTI) növ xam neftin qiyməti isə 43,33 dollardan 50,79 dollara çatıb.
Qiymətlərdəki bu artımlara görə OPEC ölkələrinin neft gəlirləri bir əvvəlki ilə müqayisədə 28,6% artaraq 567 milyard dollara yüksəlib. 2016-ci ildə toplam ixrac həcmi 441 milyard dollar idi.
EIA-nın proqnozuna görə OPEC ölkələrinin 2018-ci ildə neft ixracından əldə edəcəkləri gəlir 736 milyard, 2019-cu ildə isə 719 milyard dollar olacaq.
Qeyd edək ki, OPEC-in ən çox neft hasillatçısı və dünyanın ən çox xam neft ixrac edən ölkəsi mövqeyində olan Səudiyyə Ərəbistanı, keçən il OPEC üzvləri arasında ən çox gəlir əldə edən ölkə olub. 2016-cı ildə 134 milyard dollarlıq neft ixrac edən Səudiyyə Ərəbistanı, 2017-ci ildə 24,6% artımla 167 milyard reallaşdırıb. Bu da OPEC üzvü ölkələrin toplam gəlirinin 29.7%-ni təşkil edir. Bu ölkəni isə İraq izləyib. İraq 2016da 53 milyard, 2017də 69 milyard dollar gəlir əldə edib. İran və Birləşmiş Ərəb Əmirlikləri isə üçüncü yeri tutublar.
Әlaqәli Xәbәrlәr
“İslahatlarımızla Türkiyənin strukturunu gücləndirməyə davam edirik”, M.Şimşək
Türkiyə Radio Televiziya Qurumu – TRT-yə ABŞ səfərilə bağlı məlumat verən M.Şimşək deyib ...