Bakı-Tbilisi-Qars dəmiryolu ilə Çindən İtaliyaya yük qatarı yola düşüb

Bakı-Tbilisi-Qars dəmir yolu vasitəsilə Çinin Urumçi şəhərindən İtaliyanın Neapol şəhərinə yük qatarı yola düşüb.

44 konteynerdən ibarət yük qatarı fevralın 26-da yola çıxıb. Qatar Qazaxıstan, Azərbaycan, Gürcüstan və Türkiyədən keçərək İtaliyanın Neapol şəhərinə gedəcək.  Qeyd olunduğuna görə, qatar 10 min 500 kilometrlik məsafəni 25 gün ərzində başa vuracaq. Çindən Avropa istiqamətinə bu il Bakı-Tbilisi-Qars dəmir yolu vasitəsilə 1400 konteyner göndərilməsi planlaşdırılıb.