Türkiyə dünyanın 10, Avropanın ilk üç iqtisadiyyatından biri olacaq

Türkiyənin iqtisadiyyat naziri Nihat Zeybəkçi 2017-ci ilin Türkiyənin iqtisadi böyümədə yüksəlmə ili olduğunu bildirdi.
 
 Dənizlidə çıxış edən iqtisadiyyat naziri beynəlxalq  kredit reytinqi təşkilatı Moody's-in hesabatındakı Türkiyənin 2017-ci il üçün iqtisadi artım göstəricilərinə  diqqət çəkdi.
 
Zeybəkçi:"Moody's Türkiyənin böyümə rəqəmlərini ikinci dəfə yoxlayır. İkinci rübə aid böyümə rəqəmləri  sentyabrın 11-12-də açıqlanacaq. Türkiyə üçüncü rübdə 7- 7,5 səviyyəsində böyümə əldə edəcək. İxrac rəqəmləri də gözləniləndən yüksək olacaq" dedi.
 
Nazir Beynəlxalq Valyuta Fondunun (İMF)  Türkiyə iqtisadiyyatının satınalma gücünə görə  13-cü yerdə olduğuna dair açıqlamasını xatırlatdı, Türkiyənin dünyanın ilk 10 böyük iqtisadiyyatından biri, Avropanın da ilk üç iqtisadiyyatından biri olma hədəfinə çatacağını söylədi.