İran milli valyutasının adı dəyişdi

Bundan sonra İranın pul vahidi 10 riala bərabər “tümən” olacaq.  

İran Nazirlər Kabinetinin qərarına əsasən yeni “tümən” rialın 10 mislinə bərabər götürülüb.

Qeyd edək ki, ötən il İran Mərkəzi Bankı pul vahidinin dəyişdirilməsi layihəsini hazırlayın və Nazirlər Kabinetinə təqdim edib. Uzun müddətdir İran əhalisi ödənişlərdə rial əvəzinə tüməndən istifadə edirdi. Halbuki rəsmən  mübadilələrdə rialdan istifadə olunurdu. Bundan sonra rəsmi mübadilələr zamanı əsas pul vahidi qismində tüməndən istifadə ediləcək. Türkcədə "on min" mənasını daşıyan "tümən" İranın köhnə pul vahidi idi.

10 min dinar 1 "tümən" dəyərində idi, 1932-ci ildə 1 tümən əvəzinə 10 riyal nisbətində riyal  təqdim edildi.