Neft yenidən bahalaşmağa başlayıb

Dünya bazarında neftin qiyməti yenidən 40 dollara yaxınlaşır. Məlumata görə, London əmtəə birjasında “Brent” markalı neftin 1 barreli 0,54 dollar və yaxud 1,37% bahalaşaraq 39,97 dollar olub. Nyu-York birjasında isə “WTI” markalı qara qızılın hər barreli 0,71 dollar və yaxud 1,91% artaraq 37,97 dollara təşkil edib.

Aprelin 7-də London əmtəə birjalarında keçirilmiş hərraclarda “Azeri Light” markalı Azərbaycan neftinin 1 barreli 39,53 dollara satılıb. Məlumata görə, bu, aprelin 6-da qeydə alınmış qiymətdən 0,5 dollar və yaxud 1,25% azdır.