Türkiyənin müdafiə və aviasiya sektorunun ixracat gəliri artıb

Türkiyənin müdafiə və aviasiya sektoru ilin ilk 4 ayında 117 ölkə və 9 bölgəyə ixracat reallaşdırıb. Sektorun ixracat gəliri ötən ilin eyni dövrünə görə 1,36% artaraq 461 milyon dollara çatıb.
İxracatda ilk sırada 182 milyon 620 min dollarla ABŞ qərarlaşıb. Sektorun etdiyi ixracatın təxminən 40%-i bu ölkəyə reallaşdırılıb.
Siyahıda ikinci ölkə isə 53 milyon 960 min dollar ilə Malayziya olub. Malayziyaya edilən ixracatdan əldə edilən gəlir keçən ilin eyni dövrünə görə 142% artıb. İspaniya isə 33 milyon 552 min dollar gəlirlə bu sahədə üçüncü sırada yer alıb. İspaniyaya edilən ixracat gəliri, ötən ilin eyni dövrünə görə 30% artıb.