Türkiyənin milli boksçusu “Paris 2024”də bürünc medal qazandı

  Türkiyənin milli boksçusu Esra Yıldız Kahraman 2024-cü il Paris Olimpiya Oyunlarında yarımfinalda tayvanlı Lin Yu Tinqə uduzaraq bürünc medal qazanıb.

  Fransanın paytaxtı Parisin Filipp-Şatrier kortunda boks bölməsinin qadınlar arasında 57 kq. çəki dərəcəsində yarımfinal döyüşü keçirilib.

  Milli boksçu Esra Yıldız Kahraman tayvanlı Lin Yu Tinqə 5:0 hesabı ilə uduzaraq finala çıxmaq şansını itirsə də, bürünc medal qazanıb.

  İlk dəfə qatıldığı “Tokio 2020”nin 1/4 finalında mübarizədən kənarlaşdırılan və 5-ci olan 27 yaşlı Esra Paris 2024-dəki uğuru ilə olimpiadada ilk medalını qazanıb.