III Avropa Oyunları başa çatdı və Türkiyə 38 medalla qayıtdı

  İyunun 21-də Polşada start götürən III Avropa Oyunları bağlanış mərasimi ilə rəsmən başa çatıb.

  Krakovdakı Henrik Reyman bələdiyyə stadionunda keçirilən qapanış mərasimində Türkiyə bayrağını milli badmintonçu Neslihan Yiğit Arın daşıyıb.

  “Biz birik” şüarı ilə keçirilən və sənətçilərin mini konsertlər verdiyi tədbirin bağlanış mərasimində işıq və müxtəlif səhnə şouları təşkil olunub.

  Malopolska bölgəsinin 13 fərqli şəhərində təşkil edilən yarışlarda Türkiyəni 103 qadın və 90 kişi olmaqla 19 növdə 193 idmançı təmsil edib.

  Ay-ulduzlular III Avropa Oyunlarında 9-u qızıl, 9-u gümüş, 20-si bürünc olmaqla ümumilikdə 38 medal qazanıb. Türkiyə medal sıralamasında 48 ölkə arasında 9-cu yerdə qərarlaşıb.

  Medal siyahısında 35 qızıl, 26 gümüş və 39 bürünc olmaqla 100 medalla İtaliya birinci yerdə olub.