“Roma” və “Feyenoord” finala vəsiqə qazandı

Futbol üzrə Avropa Konfrans Liqasında yarımfinal mərhələsinin cavab oyunları keçirilib.

1823032
“Roma” və “Feyenoord” finala vəsiqə qazandı

TRT Spor xəbər verir ki, hər iki matça eyni saatda start verilib.

Turnirin favoritlərindən “Roma” İtaliyada İngiltərənin “Lester Siti” komandasını qəbul edib. “Olimpiko” stadionundakı görüşü serbiyalı referi Srcan Yovanoviç idarə edib. Lesterdə baş tutmuş ilk qarşılaşmada qalib müəyyənləşməmişdi – 1:1. Bu oyunda isə “Roma” qələbə hesabını sonadək qoruya bilib və finala yüksəlib.

Digər cavab oyununda isə Niderland “Feyenoord”u Fransada Marsel “Olimpik”i ilə üz-üzə gəlib. “Velodrom” stadionundakı matçın baş hakimi isveçrəli Sandro Şerer olub. Rotterdamdakı ilk görüşdə meydan sahibləri 3:2 hesablı qələbə qazanmışdılar. Marseldəki görüşdə isə qapılara qol vurulmayıb.

Beləliklə, həlledici oyunda “Roma” ilə “Feyenoord” üz-üzə gələcək. Konfrans Liqasının final görüşü mayın 25-də Albaniyanın paytaxtı Tiranadakı Milli Arenada keçiriləcək.

Avropa Konfrans Liqası
Yarımfinalın cavab oyunları
5 may

Roma (İtaliya) – Lester Siti (İngiltərə) 1:0
Qol: T.Abraham, 11.
Baş hakim: Srcan Yovanoviç (Serbiya). Roma, “Olimpiko” stadionu.
İlk oyun – 1:1.

Olimpik (Marsel, Fransa) – Feyenoord (Niderland) 0:0
Baş hakim: Sandro Şerer (İsveçrə). Marsel, “Velodrom” stadionu.
İlk oyun – 2:3.

 

 



Әlaqәli Xәbәrlәr