Fiqurlu konkisürmə üzrə dünya və Avropa çempionatlarının keçiriləcəyi yerlər

  Fiqurlu konkisürmə üzrə dünya və Avropa çempionatlarının keçiriləcəyi yer müəyyənləşib.

  Beynəlxalq Konkisürmə Federasiyası (ISU) dünya çempionatının İsveçin paytaxtı Stokholmda keçiriləcəyini təsdiqləyib. Gələn il keçiriləcək çempionat martın 22-28-də baş tutacaq. Avropa çempionatı isə yanvarın 25-31-də Xorvatiyanın paytaxtı Zaqrebdə təşkil olunacaq.

  Gənclər arasında dünya çempionatına isə gələn il martın 1-7-də Çinin Harbin şəhəri ev sahibliyi edəcək.