AVRO-2016: İsveçrə millisi play-off mərhələsinə vəsiqə qazanıb

'A” qrupunda iki oyun keçirilib.

Artıq 1/8 finala vəsiqəni təmin edən Fransa yığması İsveçrə ilə qarşılaşıb.  Oyun 0:0 hesabı ilə heç-heçə başa çatıb.Qrup mərhələsində 5 xal toplayan İsveçrə millisi play-off mərhələsinə vəsiqə qazanıb.

Qrupun digər matçında Albaniya Rumıniya ilə görüşüb.  Oyunda yeganə qolu albaniyalı Armando Sadiku vurub. Beləliklə, rəqibini qabaqlayan Albaniya 3 xalla qrupda 3-cü yeri tutub.

Məlum olduğu kimi, AVRO-2016-da ən yaxşı nəticə göstərən dörd qrup üçüncüsü 1/8 finala vəsiqə qazana biləcək. Beləliklə,  Albaniyanın  play-off mərhələsinıə yüksəlməsi digər qruplardakı mübarizənin nəticələrindən asılı olacaq.