Terror tǝşkilatı DEAŞ Hǝlǝb şǝhǝrinin mǝrkǝzinǝ irǝlilǝyir

Suriyada döyüşǝ qoşulan tǝrǝflǝrin sayı artmaqda davam edǝrkǝn vǝziyyǝt daha mürǝkkǝb hala gǝlir.
Fǝrqli mǝqsǝdlǝrǝ sahib Rusiya vǝ qǝrbli ölkǝlǝrdǝn ibarǝt koalisiya qüvvǝlǝri ölkǝyǝ bomba yağdırarkǝn Әsǝdǝ sadiq qüvvǝlǝr isǝ qurudan hücumlarını davam etdirir.
Müxalifǝtin göstǝrdiyi müqavimǝt qarşısında terror tǝşkilatı DEAŞ Hǝlǝb şǝhǝrinin mǝrkǝzinǝ irǝlilǝyir.
DEAŞ-ın irǝlilǝmǝsilǝ Әsǝdǝ sadiq qüvvǝlǝr arasındakı mǝsafǝ 20 kilometrǝ qǝdǝr düşüb. İki tǝrǝf ilk dǝfǝ bu qǝdǝr yaxın mövqedǝdilǝr.
Ölkǝdǝ Rusiyanın hava hücumları isǝ davam edir.
Fransanın Müdafiǝ naziri hücumların sadǝcǝ Әsǝdin gücünü artırmağa faydasının olduğunu vǝ 90 faiz uğursuzluq olduğunu söylǝyib.
Nazir Fransaya mǝxsus döyüş tǝyyarǝlǝrinin Suriyadakı DEAŞ hǝdǝflǝrini ikinci dǝfǝ vurduqlarını açıqlayaraq deyib ki, bu nǝ ilk nǝ dǝ son olacaq.
Digǝr tǝrǝfdǝn terror tǝşkilatı DEAŞ-ın Hǝlǝbdǝ bazar yerinǝ içarǝsindǝ bomba yerlǝşdirilmiş avtomobil vasitǝsilǝ törǝdilmiş partlayış nǝticǝsindǝ ölǝn 30 nǝfǝr arasında iranlı general Hüseyn Hammadinin dǝ olduğu bildirilib.
Hǝrbi mövzularda müşavir işlǝyǝn Hammadinin DEAŞ hücumu nǝticǝsindǝ hǝlak olduğu İran İnqilab keşikçilǝri tǝrǝfindǝn dǝ tǝsdiqlǝnib.
Hücum nǝticǝsindǝ yaralanan 15 nǝfǝrdǝn vǝziyyǝti ağır olan 5-i Öncüpınar sǝrhǝd mǝntǝqǝsindǝn Türkiyǝyǝ gǝtirilib vǝ iki xǝstǝxanada yerlǝşdiriliblǝr.