Çin istehsalı olan “Sinopharm” peyvəndi 72,8 faiz təsirlidir

Çin istehsalı olan “Sinopharm” peyvəndinin yeni növ koronavirus (Covid-19) əleyhinə  72,8 faiz təsirli olduğu bildirilib. 

"The National News"un verdiyi məlumata görə, Amerikan Təbiblər Birliyi jurnalının araşdırması Birləşmiş Ərəb Əmirlikləri, Bəhreyn, Misir və İordaniyadan olan 40.832 könüllü üzərində aparılıb.

Könüllülərə üç həftə fasilə ilə peyvənd və ya peyvənd, olunmuş funksional olmayan maddədən ibarət plasebo iynəsi vurulub.

Araşdırmada "Sinopfarm" peyvəndinin "Covid-19"a qarşı 72,8 faiz qoruma təmin etdiyi müəyyən edilmişdir.