Pakistan fəzaya ilk kosmonavtını göndərəcək

  Pakistanın elm və texnologiya naziri Favad Çaudri sosial media hesabından verdiyi açıqlamada bildirib:

  “2020-ci ilin fevral ayına qədər 50 nəfərlik namizəd kosmonavt siyahısı hazırlanacaq. Sınaqlardan sonra bu rəqəm 25-ə endiriləcək.

  "İlk kosmonavtlarımız fəzaya 2022-ci ildə göndəriləcək. Bu, Pakistan kosmos tarixinin ən böyük elmi addımı olacaq".

  Sosial mediadakı açıqlamasından sonra Pakistanın “Dawn” qəzetinə müsahibə verən F.Çaudri bildirib:

  “Namizəd kosmonavtların seçim və təlimləri Pakistan Hava Qüvvələri (PAF) tərəfindən aparılacaq. PAF-ın təlimlərindən keçən bir kosmonavt seçiləcək.

  Pakistan peyklərini Çindən kosmosa göndərir, kosmonavtını da oradan göndərəcək”.