İlk robot polis vəzifəsinə başlayır

Birləşmiş Ərəb Əmirliklərinin 7 əmirliyinin biri olan Dubayda polis rəsmiləri şəhərdə işə başlayacaq ilk robot polisi ictimaiyyətə təqdim etdilər.

Robot polislər şəhərdəki alış-veriş mərkəzlərinə və turizm yerlərinə nəzarət edəcəklər.

Eyni zamanda, insanlar robotlara törədilən cinayətlər barədə məlumat verəcək , cərimə ödəyəcək və köksündəki ekrandan məlumat ala biləcəklər.

Robotlar polis tərəfindən toplanan məlumatları nəqliyyat işçilərinə ötürəcək.

Hökumət 2030-cu ilə qədər polis qüvvələrinin 25%-nin robotlaşdırılmasının planlaşdırıldığını bildirir.

Lakin rəsmilər robotların insanların yerini tutmayacağını da qeyd edirlər.

Dubay Polisinin Elektron Xidmətlər İdarəsinin rəisi Xalid Əl Razuki:"Polislərimizin yerlərini robotlar tutmayacaq. Lakin Dubayda yaşayanların sayı artır. Bu səbədən şəhərin təhlükkəsizliyini təmin etmələri üçün polis məmurlarının yerlərini dəyişdirəcəyik.Robotlarla 7 gün 24 saat xidmət göstərmək imkanımız olacaq" deyə danışdı.
 
 Robot hazırda yalnız ərəb və ingilis dillərində ünsiyyət qura bilir. Gələcəkdə isə rus, çin, fransız və ispan dillərində də danışması hədəflənir.