İsrail Qəzzaya ağır zərbələr endirdi, ölən və yaralananlar var

İsrailin Qəzza zolağının şimal və cənubunda həyata keçirdiyi hücumlarda 1 fələstinlinin öldüyü, çox sayda insanın isə yaralandığı bildirilib. Məlumata görə, İsrail qüvvələrinin fələstinlilərin sığındığı Əl-Məvasi bölgəsinə təşkil etdiyi hücumda bir fələstinli həyatını itirib.

İsrailin Qəzzanın qərbindəki Nəsr bölgəsinə etdiyi hücumda “Levlahi” ailəsinə məxsus evin hədəf alındığı və hücumda çox sayda fələstinlinin yaralandığı bildirilib. Yaralılar, müalicə üçün Xan Yunis şəhərindəki Qəzza-Avropa Xəstəxanasına aparılıb.

Qəzzanın mərkəzindəki Şeyx Rıdvan bölgəsinə silahlı pilotsuz uçuş aparatı (PUA) ilə edilən hücumda da fələstinlilərin yaralandığı açıqlanıb. İsrailin Beyt Lahiyadakı Kemal Advan xəstəxanasının ətrafına da hücum etdiyi bildirilir.

İsrail ordusunun "Cibaliya" qaçqınlar düşərgəsinin Hulefa bölgəsinə ağır zərbələr endirdiyi vurğulanıb.

İsrailin 2023-cü il oktyabrın 7-dən etibarən Qəzza zolağına təşkil etdiyi hücumlarda 44,835 nəfərin həyatını itirdiyi, yaralananların sayının isə 106,356 olduğu açıqlanıb. Dağıntılar altında hələ də minlərlə ölünün olduğu, insanların sığındığı xəstəxana və təhsil müəssisələrinin hədəf alınaraq mülki infrastrukturun məhv edildiyi bildirilir.