İsrail ordusu Qəzza zolağına ağır zərbələr endirib

İsrail döyüş təyyarələrinin, Qəzza zolağının Xan Yunus şəhərinin Mevasi bölgəsində qaçqın çadırlarının yaxınlığına endirdiyi hava zərbələri nəticəsində 10 fələstinlinin həyatını itirdiyi bildirilib.

Şahidlərin məlumatına görə, İsrail ordusu, Mevasi bölgəsində məcburi köçkünlərin çadırlarının yaxınlığında yerləşən və internet xidməti verən kafeyə ağır zərbələr endirib. Səhiyyə mənbələri hücumda 10 nəfərin öldüyünü, çox sayda insanın isə yaralandığını açıqlayıb.

Qeyd edək ki, İsrail ordusu Qəzza zolağının şimalında Fələstin müqavimət qrupları ilə baş verən qarşıdurmada 4 əsgərinin öldüyünü bildirib.