İsrailin hücumları nəticəsində həlak olan fələstinlilərin sayı artmaqda davam edir

İsrail ordusunun 2023-cü il oktyabrın 7-dən etibarən Qəzza zolağına təşkil etdiyi hücumlar nəticəsində ölənlərin sayı 40 861 nəfərə yüksəlib.

Qəzzadakı Fələstin Səhiyyə Nazirliyindən verilən açıqlamada İsrailin Qəzza zolağına 334 gündür təşkil etdiyi hücumlarla bağlı məlumat verilib.

Açıqlamada İsrail ordusunun Qəzza zolağında sutka ərzində törətdiyi hücumlar nəticəsində daha 42 fələstinlinin həyatını itirdiyi, 107 fələstinlinin isə yaralandığı bildirilib.

İsrailin oktyabrın 7-dən etibarən Qəzza zolağına təşkil etdiyi hücumlarda ölənlərin sayının 40 861-a, yaralıların sayının isə 94 398 nəfərə yüksəldiyi qeyd edilib.

Qeyd edək ki, İsrail ordusunun Qəzza zolağına son 10 gündə təşkil etdiyi hücumlarda 456 adam ölüb, 930-u da yaralanıb.