Hindistanda daşqınlar nəticəsində həyatını itirənlərin sayı açıqlandı

Hindistanın Qucarat və Racastan ştatlarında bazar günündən bəri yağan leysan yağışları nəticəsində 17 nəfər həyatını itirib, 11 nəfər isə itkin düşüb.

''Hindustan Times''ın məlumatına görə, səlahiyyətlilər Qucarat və Racastan ştatlarında üç gündür leysan yağışların yağdığını açıqlayıb.

Aramsız yağışlar nəticəsində 17 nəfərin öldüyü, 11 nəfərin isə itkin düşdüyü bildirilib.

Qucaratdakı Təbii Fəlakət İdarəsinin rəsmiləri təxminən 20 min insanın yağışlardan zərər çəkdiyini və 6 min insanın təhlükəsiz ərazilərə təxliyə edildiyini qeyd edib.

Səlahiyyətlilər hər iki ştatdakı su bəndlərinin daşması səbəbindən daşqınla bağlı xəbərdarlıq ediblər.

Bundan əlavə, hər iki ştatda təbii fəlakətdən mənfi təsirlənən bölgələrdə məktəblər iki gün müddətinə bağlanıb.