Qanada denge qızdırmasına yoluxanların sayı 100-ə çatıb

Qərbi Afrika ölkəsi Qanada denge qızdırmasına yoluxanların sayı 100-ə çatıb.
Səhiyyə Xidmətlərinin (GHS) baş direktoru Patrik Kuma-Aboage keçən ay Eastern əyalətində qeydə alınan denge qızdırmasının daha 6 əyalətdə yayıldığını bildirdi.
Denge qızdırmasına yoluxanların sayının 100-ə yüksəldiyini qeyd edən Patrik Kuma-Aboage 103 nəfərin daha xəstəxanalara müraciət etdiyini deyib.
Patrik Kuma-Aboage epidemiyanın yayılmasının qarşısını almaq üçün bölgəyə həkimlərin göndərildiyini bildirib.
Qanada Denge qızdırmasına ilk yoluxma faktı iyulun 15-də Eastern əyalətində qeydə alınmışdı.