Ulf Kristersson: "İsveçin NATO üzvlüyünə Türkiye qərar verəcək"

İsveçin Baş naziri Ulf Kristersson ölkəsinin NATO-ya üzvlük müraciətinin bu ay ərzində Türkiye Böyük Millət Məclisində (TBMM) təsdiqlənəcəyini əminliklə deyə bilməyəcəyini bildirib.

Ölkəsinin NATO müraciəti ilə bağlı İsveç mətbuatına açıqlama verən Kristersson İsveçin NATO üzvlüyünə Türkiyenin qərar verəcəyini vurğulayıb.

Kristersson "NATO üzvlüyümüzün oktyabrda təsdiqlənəcəyinə söz verə bilmərəm. Bu qərar Türkiyeyə məxsusdur, Türkiye öz qərarlarını verir" deyib.

Baş nazir Kristersson deyib: "Hər kəs bunu belə şərh edir ki, İsveçin NATO-ya üzvlüyü parlament açıldıqdan sonra təsdiqlənəcək. Parlament artıq açılıb. Hesab edirəm ki, İsveçin NATO üzvlüyünün təsdiqlənməsinin vaxtı çatıb".

İsveçin müdafiə naziri Pal Conson da Türkiye ilə yaxşı münasibətlər qurmaq istədiklərini bildirib.

Conson Polşada keçirilən “Varşava Təhlükəsizlik Forumu”nda Türkiyenin ölkəsinin NATO üzvlüyünə yanaşması ilə bağlı sualı cavablandırıb.

"Türkiye bizim mühüm müttəfiqimizdir. Biz NATO-ya üzv olanda Türkiye ilə yaxşı münasibətlər qurmaq istəyirik. Bununla belə, hazırda yaxın zamanda üzv olmağımızın vacib olduğunu düşünürəm" , - deyə o qeyd edib.