Ruandada sel və torpaq sürüşməsi, 129 nəfər ölüb
Ruandada çərşənbə axşamından bəri davam edən leysan yağışların səbəb olduğu sel və torpaq sürüşmələri nəticəsində 129 nəfər həyatını itirib.
1982415
TRT xəbər verir ki bu barədə Ruanda fövqəladə halların idarə edilməsi üzrə nazir Marie Solange Kayisire məlumat yayıb.
Bildirilir ki, ölkənin qərb və şimal əyalətlərində leysan yağışlar nəticəsində torpaq sürüşməsi və daşqınlarda 129 nəfər həyatını itirib. Axtarış-xilasetmə işlərinin davam etdiyi fəlakət bölgəsində bir çox ev yararsız hala düşüb. Əkin sahələrinə ziyan dəyib.
Həyatını itirənlərdən bəzilərinin evlərində qapalı qaldıqlarını deyən nazir Kayısıre, fəlakətdən ən çox zərər çəkmiş bölgələrin Ngororero, Rubavu, Nyabihu, Rutsiro və Karongi olduğunu sadalayıb və bu ərazilərə çadır başda olmaqla təcili yardım materyalların çatdırılmağa başlandığını qeyd edib.